而家啲後生的真係鍾意打尖，繼波羅的弟弟在一月中打尖結婚後，又輪到我的妹妹打尖結婚。
同樣地，他們都不是因為「有咗」才結婚，只是突然間想結婚就結了。
年輕人，諗嘢就係咁怪。
我又唔係話自己好老，不過我鍾意傳統些，一步一步來。而且後生的好像佢地有佢地結，屋企人的感受又真係無咩點理。阿媽變得十分嘮叨。我都有點嬲咖，因為我為咗結婚都做咗好多嘢去Comfort阿媽，但似乎一嘢就俾人打散哂，搞到阿媽日日煩住我，好慘呢。
有時我覺得結得婚梗要尊重下老人家，除非佢地的要求極度不合理。
又因為阿妹結婚搞得咁隨意，嚟緊我的婚禮阿媽一定更多要求。
呢張相係細佬影的，三姊妹齊來一張相。哎呀！我畫眼線實在太輕手了，企響兩個邊旁邊對眼好細！
阿新娘子個妝係佢自己化的，都幾好啊！真幾似平時MUA化PRE-WEDDING嗰D。唯一係個底薄了些，遮眼圈眼袋差少少！
上頭紗係我上！我都未試過幫人上頭紗，都係大概望下人就上啦！好在無甩到！
由於我都叫做影過下PRE-WEDDING，所以想試下自己影相的功力。都叫兩位新人擺D平時PRE-WEDDING的POSE。不過佢地兩位擺得唔似樣囉，唔放出嚟啦。剩係放D單人出嚟啦！
以下是本人作品：
第二張好似賣婚宴場地的相咁呢~ 結得好急嗎？
回覆刪除[版主回覆05/13/2011 22:46:00]二月話五月結婚，你話快唔快??
其實我想ZOOM個近鏡影新娘望住紮花的，等我第日影PRE-WEDDING可以做DEMO，點知個衰妹成日郁，都未嚟得切ZOOM。
仲有好多位唔夠經驗唔記得整D反光板所以背光，不過一開始我都無諗住影，佢又唔請化妝同攝影，唉，唔知佢諗乜!!
佢無請攝影??咁同d親戚影大合照係咪都係你操刀丫??
回覆刪除[版主回覆05/14/2011 00:39:00]其實我細佬呀，其他朋友有幫手。
我就係發pre-wedding癮，要佢地擺pose俾我影!!!
你覺得我影成點呢??
今次只係圍內好少人，佢話遲d會擺酒喎，所以一切從簡。
第一,二張都好有賣廣告既感覺呢..哈哈
回覆刪除[版主回覆05/17/2011 17:10:00]哈哈,有blog友都咁話呀!!!