今天才剛剛上MASTER的第一課，但已經非常不開心。
事源分組的時候，TUTOR只是隨便分組。
其實當其時我有左面同右面的同學揀，唔知點解我揀咗左邊的同學仔。
但一揀完即刻後悔，因為我覺得呢組的同學有點不認真。
你話返工上啲TRAINING GROUP就話係人都「褪後」幾步唔想做PRESENT，但呢啲同學一開始已經感覺到他們好像成日有人幫佢地做功課，好似唔駛CONTRIBUTE咁。而且成GROUP才不過四個人，但有兩個人都係成日話「唔知喎」、「我唔識咖」，但大家做討論，一定要CONTRIBUTE，唔識唔駛講出口，只要繼續諗啲有建設性的答案囉。唔好一日到黑講完一句都問「係唔係咁呀？」我心諗人地同學仔同你一樣都係第一日上堂，人地都好努力咁諗答案。
於是我個心就決定要去右邊個組，而人地都welcome我，但其中一個女仔話佢個朋友會ADD/DROP入嚟。不過我唔理喇，打死都唔願再入個組。就係而家有點人數不均，不過我諗就算唔走個TUTOR都耐我地唔荷啩？不過最衰佢無鬼啦啦咁ASSIGN啲組啦，但我亦同時怪自己一開始就唔入右邊個組，搞到得罪咗人囉！
雖然今次個試菜活動我就覺得程序麻麻，不過食物方面就質素唔錯。
所以可以加分！
上乳豬時，成班煌府員工拎好哂啲豬，排好哂隊。
操入嚟啦。不過咁樣其實隻豬都會幾快凍咗。
乳豬無影到相。分得太少俾我食喇！
珊瑚蚌，幾好味！
蟹鉗都好OK!!
瑤柱甫，剛剛好12隻，人人一粒！
話我衰都咁話，個翅真係好好味。
係全日我覺得最好食的一味。
條翅都幾大條！
分菜情況。
個伊麵好味。我未試過食伊麵會覺得好味，呢一個，一定要讚！
切開的橙。
如果切開咗，通常啲人都會食。但無咁衛生，兼且有些少打斧頭FEEL。
唔切就啲人怕污糟唔食，不過可以俾人拎返屋企食。
俾我，我就會選後者。
星期三，2010年8月18日，係煌府新人試菜活動。
話就話七時開始，其實就九時才開始。
真似平時去飲咁，等我肚餓都唔去食定嘢。
早知如此，我不如行多陣街。行下百利都好嘛。
未坐定時的情況，基本上一路都坐唔滿人。
唉，點解我咁好彩要坐第32圍??咁早去都要坐咁後??全場最後個幾圍。
個台根本就遠，咩CATWALK路嗰啲之後完全睇唔到。
仲有呢盤花由頭到尾都唔收，阻住哂食嘢之餘，台又睇唔到。
坐呢台的人覺得完全被忽略。
記住自己結婚嗰日，一定要拎走盤花，一唔係就整矮D嘛。
不過始終食嘢拎走好啲!!
變色燈，變到綠色，驟眼似見鬼。
開始了。吳剛師傅做主持。呢幅相係ZOOM到盡，始終見唔到吳剛。
呢張好番少少。但其實相影到我人係睇唔到咖。
我的抽獎號碼。8號算係好冧巴吧。
不過最後只抽到一盒伍仁月餅。如果係蓮容月餅便更好。
呢，避得開自己枱盤花，始終避唔開人地枱面盤花，點睇??
俾眼利的波羅發現到水晶燈無扣好。
可以詳見其他的作比較。
他是誰…….?
我知道班煌府之友好鬼鍾意唱歌，但下次可唔可以較番細啲個冷氣呢??
呢個女仔我認得係GABY，唱得唔錯啦。
佢係煌府御用MUA。唔記得佢有無送化粧作抽獎禮品。
散場前，工作人員重新圍番啲板。
啲板幾高丫，唔錯，係唔知隔音如何??
因為我都只係包了一邊場而己。
暫時觀感，因為THE ONE樓下尚未完工，所以我認為在今年內在THE ONE煌府擺酒始終麻麻。得個煌府靚，但個配套未得都始終係差啲。似早前HITOMI個妹咁，最後都揀返九展，始終未起好的THE ONE會影響煌府的觀感。賓客嚟到猛咁吸油味都不宜。我都叫做明年才擺酒，到時鋪頭開哂便好得多。
另外，似乎搭lift方面就不是太方便，如果同時兩邊賓客走都要等好耐。當日等lift都等咗我好一陣，當時仲好似開了三部lift而不是煌府專用，仲要遊lift河添。因為唔遊可能無位入lift。
(待續......)
最近才決定了婚攝錄的事項。其實於今年四月時，我曾經找過一間叫「恩賜攝錄」的公司，成員全是基督徒。他們是沒有鋪，純粹網上生意。我相信他們服務不錯，而他們的VIDEO弄得不錯。他們是我第一間找的公司，只是今年四月，已經話我知我個期冇咗！所以我才放棄
各位未找JM攝錄可以考慮一下。因為真係幾平，而且我信他們是基督徒比較不會騙人。如果我有福消受，就可以慳不少錢了。
之前成日有人問我問咗邊間，我都拖咗咁耐至寫。而且剩係得呢一間啫！（當然，你地可以話其實我有搵過JOSEPH的）
今日終於confirmed BIG DAY攝影，就係Fei Memory。(http://www.feimemory.com/)
其實呢個決定真係好大路，都無乜驚喜，因為一般經常去開婚展的JM肯定知道菲的存在。
我地真係搵咗攝影總監LARRY影，各位未搵婚攝的，LARRY無期喇！（佢呢個職位都開得幾大，不過我都幾鍾意！）我祝佢身體健康，可以響我結婚個日精精神神咁影相啦！
之前波羅做兄弟時遇到LARRY，那時覺得他似o靚仔。不過我今日見到佢真人，我覺得佢其實一啲都唔似o靚仔，咪又係正常人一個。其實我覺得LARRY會比較喜歡影PRE-WEDDING多過BIG DAY，都係的，因為影BIG DAY係辛苦好多，而且無咁多特別場口可以俾佢呢啲藝術家發揮，而且好多時佢地都係出TRIP影而不在香港影呢！
我地係上FEI個STUDIO度睇，仲撞啱呢排FEI用嚟成日俾客睇相版的一對新人，果然男的俊女的俏喎！
就係呢兩位!!
上到去就傾啲細節，其實波羅好大汗，突然有位STAFF開風扇俾佢；跟住到我地講到睇即時取相，即刻就有另外一位STAFF遞上相版，波羅讚話呢間公司的員工幾醒目。
不過個最後銀碼我覺得都係好貴好貴好貴，幸而波羅話係「響佢計算之內」喎，所以佢就乖乖俾錢喇。
其實我係有諗過去JOSEPH PHOTO去比較，JOSEPH最平的PLAN包埋相簿都無咁貴，FEI就唔包相簿仲要另外加錢。不過我諗與其由JOSEPH不知名的攝影師去影，不如俾FEI最TOP個位影啦！正如波羅所講，我之前都抱怨搵MUA同婚紗相都搵唔到我心目中的正選，呢次BIG DAY攝錄希望真係俾到我心目中的正選啦！
波羅，真係多謝你！！
呢個item搞咗好耐。
由四月已經開始搞，當酒席同MUA一早已經敲定，但這個就遲遲未決定。
上個星期無聊，又試下打電話俾某間公司。竟然話我知，幾個photog都available。(應該話，成間公司的photog都available)
我成日諗，我都好遲去搵啦，點解佢地一個都未有人book？唔通真係早過頭？但又唔係喎，有好多JM都book咗攝影師了。
anyway，唔好諗咁多，既然都覺得ok就應該cfm，我唔想為呢件事糾纏咁耐，反正一般的價錢上落都係咁啦。不過唯一係話指定photog要加錢，但其實呢個我知好多公司都係講啫，基本上唔一定收的，之但係用咩方法令到間公司話唔收呢?(係，我係有photog的心水)
呢樣嘢我交咗俾波羅做，唉，好擔心呀，唔知佢交涉成點呢？佢又好怕講價的。
嘩嘩嘩!!又瘦咗!!!
今日走去磅下，係104.5磅!!!
運動做得不多，不過都叫有做至少三十分鐘的踩機運動，睇機約消耗150卡路里，加埋做sit up，約莫200卡。
代餐照食，但開始唔記得記低食過啲乜，不過呢兩星期都食過兩晚大餐、一個辛辣面、飲過汽水、寶礦力......總之唔食咁多碳水化合物啦，做完運動都要等個零兩個鐘至食嘢。
肚腩就只有一啲咁多起息，星期一時覺得個肚腩實咗，但之後又打回原形，都係要做番多d sit up先。
今日代餐好似最後一日特價，睇下今日要唔要再掃一轉先！
減肥大作戰開始
磅重：約50KG
第一天：2010.7.19
因為我下午放工後才決定買代餐，所以第一包代餐在晚餐開始。
是朱古力奶昔。
－－－－－－－－－－－－－－－－－－－－－－－－－－－－－－－－
第二天：2010.7.20
由於我放假，在家裡找找看，找到我最喜歡的炸菜肉絲！
弄熱吃，不配飯，好味。(不過就是有點咸)
隔了兩三個小時，吃西瓜。
三時喝一杯，香蕉奶昔。
八時喝湯，青菜味湯，好好味喎！
(早上的一餐實在太豐富，所以午、晚餐也順延時間，感覺很好)
－－－－－－－－－－－－－－－－－－－－－－－－－－－－－－－－－
第三天：2010.7.21
磅重：107lbs
早：香蕉奶昔
午：朱古力代餐捧
下午茶：西瓜汁兩杯／蛋撻一枚 (有人生咗bb請食餅)
去聽講座：三個小蛋糕、一杯茶
晚：翡翠小廚--擔擔面、小籠包、菜肉雲吞......
運動：廿五分鐘太空漫步機
(是日好彩叫做有做運動，否則這樣的食量真的很嚇人)
－－－－－－－－－－－－－－－－－－－－－－－－－－－－－－－－－
第四天：2010.7.22
早：麥皮餐
午：雲尼拿奶昔
晚：朱古力奶昔
另食1碗芽菜、炸菜
(今日曾經有一陣子頭暈。想是血糖低，但稍後又無事，應該係身體轉化了一些脂肪做糖了。)
－－－－－－－－－－－－－－－－－－－－－－－－－－－－－－－－－－
第五天：2010.7.23
早：腸仔蛋奄列
午：香蕉奶昔
另食2碗節瓜瑤柱蘿蔔
晚：蔬菜味湯
(今日係食咗五日之後第一次有廁所去，但產量甚少。波羅話我都無INPUT，都幾難有OUTPUT。)
－－－－－－－－－－－－－－－－－－－－－－－－－－－－－－－－－－
(待續.....)
