2013台北行(總論)

其實點解之前的愛爾蘭遊記同匈牙利法國遊記未寫完又寫台北之旅? 無他的，啲遊記唔趁新鮮寫一嚟無咗團火，二嚟唔記得咗，所以今次快快寫啦!

今次去台北的原因係好求其:我的asiamiles有萬幾分到期了，再夾埋其他未到期的分，可以換到一張台北來回票，但就點都爭少少才可以換到兩張。好在波羅又肯換佢的里數，於是便玉成我們的台北之旅。
台灣其實我未去過，而波羅是12年前去過，所以對我們來說這個行程是新鮮的。我今次決定唔買任何旅遊書，因為旅遊書廣告太多，所以我還是上網看看便好了。

今次行程如下:
第一天：香港國際機場>台北桃園機場>八方美學商旅（八方）>上引水產> 八方
第二天：八方>永和>忠孝敦化>九份>瑞芳＞十分>士林>八方
第三天：八方>誠品信義店>中正紀念館>西門町>八方
第四天：八方>屈臣氏>高記>八方>台北桃園機場>香港國際機場

睇上嚟行程似乎很少，但其實行咁少地方都已經累到爆。最後結論係下次最好包車。