媽咪衫搞定!!

　　媽咪衫呢個ITEM又係遲遲未搞。

　　都係之前無諗清楚，早知JOIN D一氣過包哂好多衫的公司咪搞掂囉!!!好早之前諗過red wedding，婚展時個位ida都招呼幾好十分搞笑，話咗俾住$1300訂可以試衫，唔啱就俾媽咪著。個次想決定時又俾波羅話諗下先.......雖然諗番唔係特別平，但唔駛煩嘛!!!

　　我自己d衫就響溫馨度租，但因為就係知d人話溫馨d媽咪衫唔得所以就諗住另外搵地方租，點知我未來奶奶覺得我好慢唔想等我就自己走去買咗衫!!!

　　唉，咁我點樣夾佢兩位長輩的衫呀？

　　過大禮當日下晝，就去咗一間叫肥孖的樓上鋪度睇。不過與其話樓上鋪，不如話係超級舊式山寨裁服店。鋪面係無的，都幾鬼祟，不過以前我細個住嗰個度成廿年，對於附近係有感情，所以去呢間咁古舊的山寨鋪都有d親切感。

　　由於我阿媽之前無任何睇媽咪衫經驗，除咗唔係好識咩叫好同唔好，咩叫鍾意同唔鍾意，仲好鬼保守到連試衫都著住條褲！最搞笑我阿媽成日話要試長袖款，但d長袖款都係鋪咗層紗咁大把，但著起上嚟無短袖款咁好睇喎!!!我梗係迫佢揀短袖啦!!最多咪去淘寶淘件長毛大衣俾佢啦!!

　　好彩今次又有帶埋阿細妹一齊去，同埋佢去真係可以有多一個人俾到意見阿媽(同埋我)。開頭我都同阿媽講話試唔啱可以走咖，反我都預咗時間去尖沙咀/金都。

　　不過試試下都confirm咗，最後都揀咗兩件長衫，一件朝早著一件夜晚著，因為無見過奶奶個兩套，唔知會唔會撞!!!

　　好在又搞掂一項了！