奶奶

　　人心有時真難測，你對人好地地，但原來人地唔係咁諗，個誤會仲越踩越深......

　　我成日都以為自己好彩，遇到個好奶奶，遇到個明白事理的長輩，點知原來都係我一廂情願。

　　我成日都同波羅講，我要唔要（對佢阿媽）做呢樣呀做嗰樣呀，佢成日話唔駛，都一家人囉點會計。有時又話我唔好咁諗佢阿媽，佢阿媽對我地好好咖，好為我地著想呀咁......

　　但事實又的確唔係咁，原來未來奶奶有好多嘢谷埋谷埋咗，無人知！上個星期終於爆咗出嚟！

　　但其實，好多嘢都唔關我事，好多事都係波羅自己搞出嚟，但偏偏未來奶奶以為係我叫波羅搞出嚟！波羅同佢解釋咗兩日，佢都唔信！

　　佢越睇我越唔過眼......我而家係好心淡，都唔知點解原來我都係遇到個衰奶奶！

　　今日我同波羅攬住喊，喊咗成日。

　　我諗呢條路開始唔易行。

　　唉，唯有見步行步啦。