今日去埋溫馨作final試衫,我已經可以同呢間嘢打分:50分
上一次試衫試得唔開心,於是有一日我同我個妹貢上去又再同經理傾傾。佢當日同我提早咗個final試衫日同埋話搵peggy幫我試衫,唔再搵上次位女仔。
唔知點解今日無咗peggy響度,我對呢個安排有點失望,點知最終又係上次個女仔。
我只可以講,佢真係唔熟間公司有咩衫,拎極的衫都唔啱心水。
其實間公司已經無相俾客睇,所以拎衫俾客人真係十分重要。我今日最後決定嗰件婚紗,總算符合我當初的條件,但佢係到最後一刻至拎出嚟,令我懷疑係咪真係佢地成日留起D衫,等到一D客真係頂唔順至拎出嚟。
去到後期佢d說話重有點礙耳。搞到波羅都忍唔住出咗聲。我覺得佢信自己多過聽個客的意見。
我見過bessy,開單的係mandy,但試衫呢位女仔,完全唔得。
而個經理寫咗話安排另一個人俾我都無安排過,真係要扣分。
我有個朋友之前結婚都係 o係 溫馨到租既 , 我見佢 d 衫都唔差喎 !!
回覆刪除[版主回覆08/15/2011 19:01:00]我用了兩三個星期終於消化咗自己揀咗的衫。因為我睇過人地響其他鋪頭揀的衫後,都覺得其實都係差唔多。係覺得最後件衫揀得唔好,因為影相同現實係兩隻色,有D唔知點咁。當然我覺得最唔開心係個SALES,我覺得佢服務唔好。
我初時都有考慮溫馨,不過個朋友話呢間唔得,所以之後揀左紫水晶!! 不過紫水晶真係幾得,我都會介紹俾朋友!!
回覆刪除[版主回覆08/29/2011 23:57:00]原來你都另外買咗兩件晚裝,其實返大陸買其實都唔錯~!!有時我都想淘......但唔識淘......
溫馨d衫我消化咗,開始慢慢接受到,因為睇番其他b2b去不同的地方租衫查實都差唔多 。係好擔心送客件紫色,因為影相影出嚟係藍色,少少sad~!!
淘寶訂晚裝其實都幾煩 又唔知質素點 自己又唔識點度size 仲要自己拎去改衫 好彩我同事個媽咪識改 可以搵佢幫手!!
回覆刪除我送客o個件都係紫色 不過隻紫色太深啦 宜家都擔心緊!!
[版主回覆09/02/2011 17:54:00]據聞一D勁的相機係分到顏色.
查實如果改衫剩係改腋下個PART,我諗我自己都改得到,不過係用手縫.