今天下午撞到隔離TEAM同事。她聽聞我要結婚要恭喜我。
當她知道我婚期是明年的年尾，都講了句「咁耐？」。
其實我都覺得耐，原本都打算大概婚期前一年才公佈婚訊，但通常紙都包不住火，有一個知道，其他的人八八卦卦都總會知道了。
波羅最近要考試，他已表明暫時婚攝又好、婚紗相又好都不要搞他。我想想也是，之前為了找MUA浪費了太多的時間了。也許暫時要停一停。
好像工作上或是生活上甚至義工方面都要處理，現在應該先分輕重，先搞好眼前的事吧。其實我現在應煩惱的是讀MASTER的事吧，看來好像沒有聲氣。其次就是工作上吧，上司們好像不重視我，我應如何重奪失地呢？
之前看過一個已婚的JM，說準備婚期應該在18個月內為佳，免得因為搞婚事而令自己不停的折騰。
其實我覺得除了MUA與婚攝外，基本上可以加價的ITEMS不多，反正都是海鮮價。
弟弟有個朋友讀設計的，都曾參加過婚紗設計得獎（應該是婚紗吧？哈哈！）不過我弟弟說如果要人家設計，結婚時務必要穿上那件婚紗！老實說不知他實力如何？興趣倒是有的，所以我還要考慮考慮。
基本上，這陣子還是要平常心吧。
又行完4月婚紗展。
波羅話我成日一時一樣喎......其實都唔係咩一時一樣，講真你俾我揀，我挭係覺得OK的便影啦。但個問題是在「銀根」方面。不考慮這個問題的話，我又何需度來度去呢？
總括而言，我目前計劃要影的婚紗相如下：
1. 酒樓送的法國婚紗相（最多自己買男禮同睫毛粉樸）
2. 某間一路都睇中的公司（應該是主打）
3. 同事甲（我知佢一路有學影相，最近才知原來是跟"MUSE"！！雖然之前見佢影過一輯係普通啲，但我都願意俾佢「較飛」，我諗佢而家會進步咗！！何況佢仲話唔收錢！！）
4. 朋友乙（好友的老公，一路有freelance幫人影snap，未試過pre-wedding，曾向好友探口風，未知可能性有多高，列為後備）
之前的確有想去大陸影，貪佢夠平，禮物多！但自己稍嫌相色娘娘地，想影的景點又不是很便宜，加上我覺得實在太多人影，影響質素。暫時擱下吧。 (其實台灣的都係嗰種色)
不過今日真係俾波羅激死咖，一入門口見到法國位SALES吹咗幾句水，佢就好想催我走，仲問我乜我唔係話唔影法國？大佬，乜你無發覺我同個位姐姐提出幾個疑問同講唔想要啲無謂嘢時，佢即刻俾咗啲OFFER我咩？講真我唔一定要幫趁佢嘛，但我就幾想知佢條底褲......唔係，係佢條底線響邊。唔八下其他公司，又點知自己係咪揀到好嘢？更何況，我都話今次結婚都係要靠我自己搵，波羅擺到明就無留意開D行情，上次酒席單嘢都搞到我嘔血，而家都驚到時駛大咗。我只好怨自己做咩唔強硬啲，咁就唔會駛多咗錢。
波羅，你明未？
我果然有TASTE，成日揀D BLOGGER少講的......(查實係因為無錢，但又唔夠人快搶平的......)
化粧之前想搵SANDY WONG，點知佢杳無音訊.......
攝影想搵ANDERSON CHAN，點知佢4月加入FEI MEMORY，價位高了不在話下，能拿回的相，很少......
自MUA揀了另一位，竟然又給我發現了好的攝影，BD同PRE-WEDDING我都想俾佢影啊！唔知佢有無期呢？？
