考試期間，暫時封筆！
不日繼續！
2011年4月24日 星期日
2011年4月23日 星期六
同天文台賭一把!!Joseph Photo Pre-wedding Part II
之前在Joseph影出來的相不大滿意，他們肯幫我們多補一個景點。
原本就是定在3月9日拍的，但因為睇天文台又話落雨要改期。誰不知當日無落雨囉。少少都無呀！
於是一改就改到4月22日。我都懷疑係咪個天都唔鍾意我喇，個香港天文台個weather forecast又話會有雷暴！仲要係超級勁嗰隻，話有度低壓槽從華中南下。
總之4月21係陰天，4月23日陰天，4月24-25日係好天，就係4月22日，唔好天。
咁Nicole又打俾我問我地改唔改期。
起初我係諗咗成日，就話改啦。但到4月21日，我個日係特登拎嚟作為臨影pre-wedding之前休息之用，我見到個天真係好靚喎。又有陽光，係有少少好薄的霧。我呢D住海邊附近的人都會幾感受到天氣的變化，如果就嚟落雨附近應該好鬼大霧。
所以我個心都十五十六，唔知好唔好同番Joseph講我想照影。一來又真係驚落雨喇，二來尋日先至同人地講話改期，家陣又變啩，好鬼衰女呀！於是用咗好多時間不停SEARCH附近地區的天氣報告：澳門、深圳、珠海。咁度低壓槽南下，我諗受影響都係佢地先啦。
澳門地球物理暨氣象局 http://www.smg.gov.mo/www/c_index.php
深圳市氣象局 http://www.szmb.gov.cn/article/
中國天氣網 http://www.weather.com.cn/
深圳天氣預報 http://www.weather.com.cn/weather/101280601.shtml
澳門天氣預報http://www.weather.com.cn/weather/101330101.shtml
香港天氣預報http://www.weather.com.cn/weather/101320101.shtml
氣象台 http://hk.myblog.yahoo.com/weablog-1097/
Weather Underground http://www.wunderground.com/global/stations/45007.html?bannertypeclick=bigwx
最後都係決定影喇！但NICOLE佢提醒我地，如果到時因為天氣而臨時唔影，要收番行政費！咁我都明，我都接受呢樣嘢，但我就係搏個雷暴夜晚至到嘛！而且我諗頂多係影影下至落雨，甚至落雨我都照影啦！因為真不想再延期，我個BLOG到今時為止都無一張婚紗相呀！而且開頭話延期個日其實我要考試的，我都驚兩頭唔到岸。如果延期個日又話落雨點算？另外一樣就係原先諗住去城門水塘，但公眾假期唔開。要行好耐至入到去，咁就不如改地點啦！我諗影香港公園唔知好唔好呢？
就因為咁嗰日就要晨咁早八點鐘上到去北角啦！上到去個MUA阿DARK都到咗。後尾聽番波羅講起，我地試衫個一次除了NICOLE之外，就係佢了。佢D裝備都幾齊整同靚，個化粧箱仲係粉紅色添！
今次個粧我有D頭緒，因為之前俾個髮型師監生剪咗我一大堆頭髮，我諗咗個大概款就講俾阿DARK知。雖然後尾整出嚟同我開頭諗的有些差距，不過都係一個幾特別的頭。（我阿媽話我戴咗頂帽喎）另一樣我幾滿意的係對眼，整完出嚟覺得靚咗，我諗眼睛係靈魂之窗，整好對眼會令成個樣靚咗！仲有堂眉啦，我本身係高低眉，今次就BALANCE番喇！其實連阿DARK自己都好鍾意個妝呀，佢話佢之前無咁整過個頭，所以佢都特登影底咗個髮型留念。仲有一樣的，就係遮番D暗瘡印。上次唔知點解無得遮，即係變咗無得執相的相全部都有印存在！
今次翻影的攝影師都係阿健。我地後來決定上去山頂公園度影。都貪佢近近地又算多地方影。而我都覺得好過香港公園，因為始終無咁多人呀。同埋我未去過，覺得有新鮮感呢！因為原本就是去城門水塘，不過公眾假期要行入去，我都唔係太想。
於是一化好妝，試過相後就出發嘞！因為只影一個地方，阿DARK就無跟妝嘞！
司機叔叔就兜山路過去山頂，其實真係好快，仲經過景賢里添！當日應該係參觀景賢里的日子，我都唔知幾D想話停低影張相，不過其實好多警車做人群管制，都係唔好出聲了。
嗰日山頂度都幾多遊人。都幾多人眼望望呀！我就有要求影一影太平山餐廳外面，因為呢個地方係我同波羅拍拖一個月時的慶祝地點。哈，我記得嗰日個侍應將我地紮花同人地枱調轉咗，好在發現得早。因為張咭係唔同咖！哈哈！
影完餐廳就上公園了。公園果然係一個靚地方，仲要係唔太多遊人！成個感覺都好舒服，又幾多西式建築，連個廁所都靚過人！所以真係幾多地方影呀！
我可以講我覺得自己好叻，因為當日真係好好陽光，直頭係可以用「猛烈」嚟形容！嗰日應該都有27、28度，對於攝氏20度都會滴汗的波羅嚟講，簡直就攞佢命咁滯，D汗滴滴滴不停。但我著住露肩婚紗就幾OK！期間都有D小朋友對住我地玩泡泡槍，但俾佢爸爸驚阻住我地叫走咗！如果多D泡D效果應該會幾靚呢！
不過可能天氣太熱，又始終在一個地方度影，所以都好快影完，大概影了個半鐘左右，我地兩個已經夠皮了。原本話俾兩三個鐘頭影，都無呢個需要了。今次我地擺咗好多大頭的姿勢呢，應該可以揀到相做油畫吧？
返到去後就BOOK時間睇相了。不過原來好FULL，星期六的期都幾難有。我地最後都要到28/5才有空檔給我們揀相。雖然話平日揀可以早些，但好似上次咁返足一日工累到爆，真係無心機對住部電腦揀咁耐相呀。我其實當日要返工的，一時間又醒不起，我又唔想改來改去，都係同同事對調假期吧！
今次我覺得天文台真係完全唔掂，可能佢D數據太多。當日4月22日由朝到晚都沒有落雨，甚至整個復活節都只有4月23日落過雨呢。我覺得信天文台，有時倒不如信信自己的經驗或者睇多幾個天文台才決定。因為都聽講有人因為怕落雨而改了期，我想他們當日一定很揼心吧！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
後記：真係覺得自己真係好好好好彩！因為其一4月22日當日好好天，可以影到D靚相；其次是不用5月4日當日影，因為當日原本就是我考試的日子，嗰日考試我讀書都讀到半死，如果改咗嗰日影相，真係無心機讀書呀！而最最最重要的是，嗰排考試我又壓力大又狂爆瘡了！好在影咗咋！否則影相又唔靚了！
2011年4月22日 星期五
2011年4月20日 星期三
婚禮籌備as at 2011-04-21
| 婚禮日期 | 2011.11(六) | |
| 婚禮地點 | THEONE煌府A場 | |
| 出門地點 | 酒店 | |
| 入門地點 | 新郎屋企 | |
| 婚前培育 | PART I | |
| 日期 | 2011.06.11-12 | |
| 時間 | 1400-2000, 1000-1800 | |
| 地點 | 筲箕灣聖十字架堂 | |
| 婚前培育 | PART II | |
| 日期 | 2011.06.30 | |
| 時間 | 1900-2130 | |
| 地點 | 尖沙咀玫瑰堂 | |
| 兄弟姊妹名單 | ||
| 伴郎 | Daniel | |
| 兄弟 | Albert、Mike、九文、阿康(尚有太多) | |
| 伴娘 | 阿悅 | |
| 姊妹 | 綺玲、老番、BONNIE、CODY、REBECCA | |
| 註冊 | ||
| 註冊地點 | 聖瑪加利大堂 | |
| 註冊時間 | 11時正 | |
| 神父 | ?? | |
| 花仔 | CHRISTOPHER, GOWING | |
| 花女 | 明蕊 | |
| 結婚戒指 | TBC | |
| 戒指枕 | TBC | |
| 簽名筆 | TBC | |
| 司琴 | (有琴否?可否借? $若何? | |
| 婚宴 | ||
| 婚宴地點 | THEONE煌府A場星願廳 | |
| 婚宴時間 | 晚上 | |
| 場地佈置 | THEONE煌府提供 | |
| 座位表 | 煌府 | |
| 嘉賓提名布 | 自製 | |
| 婚宴酒類 | ??? | |
| 婚禮MC | Albert、老番 | |
| 音樂 | ||
| Marchin | Two Words - Lea Salonga | |
| 成長片段 | A Whole New Word | |
| 早拍晚播 | Love Story - Taylor Swift | |
| 宴會音樂 | A Whole New Word, Two Words, 他約我去迪士尼 | |
| 婚紗攝影及錄影 | ||
| Pre-weddingPhoto | ||
| Joseph Photo | (22/4 補拍) | |
| Beauty Hera | (6/6 試衫) (18/6 影) | |
| ?? | 22/5/2011 | |
| ilight | TBC | |
| WeddingDayPhoto | Fei Wedding - Larry Wong | |
| WeddingDayVideo | Fei Wedding - Larry Wong | |
| 早拍晚播 | Fei Memory | |
| 成長片段 | 自製 or Fei Memory | |
| 婚紗禮服 | ||
| 新郎禮服 | 度身訂 | |
| 新郎裇衫 | 度身訂 | |
| 新郎皮鞋 | TBC | |
| 婚紗 | TBC | |
| 晚裝 | TBC | |
| 裙褂 | (待定) | |
| 鞋 | 有利 (買了) | |
| 配飾 | TBC | |
| 老爺禮服 | TBC | |
| 奶奶晚裝 | TBC | |
| 外母晚裝 | TBC | |
| 伴郎 | 自備(送Tie，但要用得番) | |
| 兄弟 | 自備(送Tie，但要用得番) | |
| 伴娘裙 | TBC | |
| 姊妹裙 | TBC | |
| MUA | ||
| 新郎 | Image Beauty - May Chan (MAY仔) | |
| 新娘 | Image Beauty - May Chan (MAY仔) | |
| 伴娘 | Image Beauty - May Chan (MAY仔) | |
| 媽咪 | Image Beauty - May Chan (MAY仔) | |
| 姊妹 |
| |
| 奶奶 |
| |
| 過大禮/出門 | ||
| 過大禮日子 | TBC | |
| 禮金 | mimi | |
| 中式禮餅 | TBC | |
| 西式餅咭 | 美心150張(買了,唔夠再補) | |
| 過大禮物品 | TBC | |
| 上頭用品 | TBC | |
| 紅色睡衣 | TBC | |
| 拜神物品 | TBC | |
| 斟茶用具 | TBC | |
| 蓮子紅棗、茶葉 | TBC | |
| Cushion | TBC | |
| 紅傘、紅米、紅綠豆 | TBC | |
| 回門日子 | 婚宴翌日 | |
| 回門燒豬 | THE ONE煌府送 | |
| 其他項目 | ||
| 鮮花球 | TBC | |
| 絲花球 | AllysFlowers (已取) | |
| 襟花/手花 | TBC | |
| 花車裝飾 | TBC | |
| 結婚公仔 | TBC | |
| 主花車 | 金色LONDON TAXI by 阿達 | |
| Van (28人) | 金色28人VAN by 孖一世 | |
| 請帖 | THE ONE煌府送 | |
| 印刷 | THE ONE煌府送 | |
| 回禮利是封 | TBC | |
| 回禮小禮物 | 派現場相(快趣婚印) | |
婚前培育
今日上返公教網睇番婚前培育的課程地點時間，原來好多都FULL了。
好彩之前波羅提番我，因為我地都報得太遲。本來好想四月，點知嗰時報都係得番六月。我地會去筲箕灣聖十字架堂，唔知係點嘅呢？
如果早D報就好啦，應該可以識番多D B2B。
未報婚前培育的B2B，好快D行動喇！
天主教教友婚前培育
課程時間:
第一部份 下午 2:00 - 8:00 (第一天)
上午 10:00 - 6:00 (第二天)
第二部份 晚上 7:00 - 9:15
| 編號 | 第一部份課程 | 第二部份課程 | 形式 | 費用 | ||
| 日期 | 地點 | 日期 | 地點 | |||
| J001 | 16 - 17/4/2011 | 中環香港天主教教區中心 | 17/4/2011 | 中環香港天主教教區中心 | 講座 | |
| J002 | 7，14/5/2011 | 柴灣海星堂 | 1/6/2011 | 尖沙咀玫瑰堂 | 講座 | |
| J003 | 28-29/5/2011 | 九龍德望修院 | 宿營 | |||
| J004 | 11-12/6/2011 | 筲箕灣聖十字架堂 | 30/6/2011 | 講座 | ||
| J005 | 18，25/6/2011 | 沙田聖本篤堂 | 講座 | |||
| J006 | 9-10/7/2011 | 觀塘耶穌復活堂 | 29/7/2011 | 講座 | ||
| J007 | 23-24/7/2011 | 筲箕灣聖十字架堂 | 講座 | |||
| J008 | 27-28/8/2011 | 九龍灣聖若瑟堂 | 31/8/2011 | 講座 | ||
| J009 | 4, 11/9/2011 | 將軍澳聖安德肋堂 | 29/9/2011 | 講座 | ||
| J010 | 17-18/9/2011 | 赤柱瑪利諾修院 | 宿營 | |||
| J011 | 10 - 12/2011 (逢星期二晚上7時至9時) | 上環新紀元廣場香港公教婚姻輔導會 | 於課程內進行 | 講座 | 每對$950 | |
| J012 | 8-9/10/2011 | 香港仔聖伯多祿堂< | 2/11/2011 | 講座 | 每對$950 | |
| J013 | 23，30/10/2011 | 將軍澳聖安德肋堂 | 講座 | 每對$950 | ||
| J014 | 12-13/11/2011 | 香港仔聖伯多祿堂 | 1/12/2011 | 講座 | 每對$950 | |
| J015 | 20, 27/11/2011 | 元朗聖伯多祿聖祿保堂 | 講座 | 每對$950 | ||
| J016 | 8，15/1/2012 | 觀塘耶穌復活堂 | 8/2/2012 | 講座 | 每對$950 | |
| J017 | 28-29/1/2012 | 沙田聖本篤堂 | 講座 | 每對$950 | ||
| J018 | 18，25/3/2012 | 觀塘耶穌復活堂 | 25/3/2012 | 觀塘耶穌復活堂 | 講座 | 每對$950 |
|
資料來源：http://www.cmac.org.hk/chi/f_tut.html
2011年4月15日 星期五
我的租車記!!
有一日，見到BLOG友shanshan的BLOG K.O. 花車 ，心想都係時候要訂車了。在問了波羅以後，於是便懶懶的SEND EMAIL俾孖一世的FRANKIE，問他還有沒有車。
估唔到咁鬼遲都仲有車，就係得番架金色！
(其實我打俾FRANKIE時都無格過其他租車咖，個個BLOGGER話好的，慳返D格價時間嘛！
)即係一般B2B都傾向鍾意架紫色車，或者其次的粉紅色，但好在我無呢方面的偏好，反而我覺得抵同好評至係最緊要的，而且架車都靚丫，於是都開開心心諗住BOOK車嘞！當然後尾我發現原來MC WIN都一樣租金色喎！
誰知當我將呢個消息向波羅匯報時，佢突然話要BOOK主車！其實都係我隨口問佢佢至講咋，無理由咖，佢明明話同朋友借車......原來佢嗰位朋友換咗架車係得兩個位的！
咁我唯有又去問FRANKIE有無主車借啦，今云就一如所料係無啦！好激氣呀！原來波羅個friend係兩個幾月前已經換車......查實舊年我已經問佢訂車的事，到早排過完年我又有問佢，都唔知點解佢唔講囉......否則都可能BOOK到啩！
於是成件事唯有推倒重來。我再去搵一些有主車連VAN租的公司，其中一間我有搵到的係軒武的BILLY。價格其實比孖一世貴少少，評價都唔錯。不過，最弊的係我嗰日都係得VAN而無主車......
跟住都睇了不少花車公司，價錢真係貴好多咖！
我有問過波羅不如用佢老豆架車做主車啦，都係金色之嘛，都襯架VAN，但佢話無見人用TOYOTA結婚喎
.......咁不如借七人車啦，夠闊落喎，佢又話，七人車大把人可以借，但你唔好後悔喎.......
咁唯有睇其他租車公司，我有睇過大昌行同AVIS，不過原來D靚仔D的車款，都係好貴呀，仲要係租好短時間咋。就響呢個時候，我見到瑞吉兒推介LONDON TAXI。其實我都係無諗過一定要呢D車咖，不過與其租架主車都係咁上下價錢，不如租架LONDON TAXI心理上好似抵D喎！
於是我又聯絡咗網上好評如潮的租LONDON TAXI的阿達。佢話俾我聽原來我結婚嗰日仲剩返粉紅色同金色。估唔到都仲有車呀！於是又拿拿聲約時間睇車喇！
不過呢個租車故事當然唔係咁簡單，又係有少少波折，原因係我睇到BLOG友JaCkiE的我要做一日BARBIE!!!話要租粉紅色LONDON TAXI。咦？阿達話我有兩架車揀嗰喎？雖然我個心係鍾意金色的，但我都覺得點都要睇下兩架車的狀況。其實阿達都好老實話我知，響我問完佢之後，竟然又有兩位B2B問車呢，仲要同一日啊！不過佢因為應承咗我，都係俾我睇車先啦！
於是星期五便去了睇車。
原來阿達個款係有D怕怕羞羞咁，但其實個人都幾健談。去到停車場，有四架車泊響度，就係金色、粉紅色、桃紅色同黑色。黑色阿達話唔租，但遲D呢架車就會變成其他色喇！而我梗係主打睇金色車同粉紅色車啦！其實起初我形容粉紅色車俾我男朋友，我係話隻粉紅係「傻豹」嗰隻粉紅色，我諗真係係人都諗到係咩色呀！
粉紅色車的內籠就靚D，特登整咗D靚梳化，金色車就普通D囉，基本上我見桃紅色車個內籠都係無咩嘢的。
經過一番斟酌，我地都係決定要金色，可以襯埋孖一世架VAN，加埋未來老爺架私家車，真係夠哂浮誇！
(希望當日可以三架車一齊影番張相啦！)另外一樣嘢我有驚喜的，就係阿達同架金色倫敦的士換了新車牌！
(舊車牌)
(新車牌)
係呀係呀，因為之前係7675喎，你地話幾咁唔好聽呢！而家轉咗牌，VERY GOOD呀！之前我仲同佢講無乜點POST金色車的相上佢個BLOG度，佢都即刻POST喇！非常快手！咁佢都話金色車其實少D人租，所以我覺得金色車其實真係幾新淨！
阿達又好搞笑，俾D相簿我地睇，起初我波羅以為佢SELL我地車的DECO，但原來阿達只係俾我地參考下人地點DECO咋！於是梗係好順攤咁奉上500大元落訂啦！
主車已定，拿拿聲搞番掂FRANKIE嗰邊喇！
話時話，阿達架LONDON TAXI真係可以同FRANKIE架金色VAN做PARTNER咖！佢地可以諗諗。。。。。。
2011年4月7日 星期四
2011年4月2日 星期六
天意2
其實天意當日，仲有後續。
話說我取了花球之後回家，但知道家屋沒人，於是便打算在家附近的一間麵館吃日本麵，順便去逛逛十蚊店，看看我之前想買的多格盒返貨未。
怎料，吃完麵，竟然無咗件事，就自管走回家，走到一半才想起自己未逛十蚊店。在思考數秒後，還是決定要折返去看。
就在一向乘搭的扶手電梯上，我無意間看到我經常幫襯的髮型屋的廣告版。心想，怎麼執了那麼久，那個廣告牌還沒有移去？再看看隔鄰的十蚊店廣告版，看到髮型屋與十蚊店是在同一層。我心想，噫，我一直以為它執笠不知搬到那兒？原來它只不過搬了鋪嗎？怎麼之前一直沒有發現？
因為那商場那一層有些地方我是從來沒有去過的。於是今次的起心肝要逛過去！噢！原來它還在，只不過搬過了一個偏僻的鋪。所以我一直以來都沒有機會逛過。那個時候髮型屋已經關門，但他們可能租了一間鋪予一個做gel甲的女仔，所以我在那個時間還有人做gel甲。做法式才135元，看來都頗便宜，有新的發現。
這間髮型屋我一直覺得不錯的，雖然幫襯的次數不是太多，但之前比較鍾意他們的服務。自從原鋪搬了後，我一直也找不到其他的代替。上次pre-wedding前到另一間剪還剪得很差。
果然是天意！幸好我有返轉頭！我終於可以在另一次pre-wedding前找回自己的髮型屋弄頭髮了！
2011年4月1日 星期五
天意
尋日同舊同事食早餐，得知有位舊同事因病入院。
於是便想到要去探望他，但總覺得自己在放工後有事辦。
但看了DIARY又沒有寫過甚麼，於是便同其他舊同事講會放工去。
返返下工突然有人打電話來。那人竟是替我紮絲花花球的ALLY。
她告知我她將會於稍後去旅行，要24/4才回港。這事我之前也知道，但一直沒有放在心上。當時我心想要24/4之後才拿花球，那時可能會影響我考試，便問ALLY可否5月才拿，但她表示她一般只會KEEP花球一個月…….起初我又問她當日拿可不可以，但她表示一般來說也要早一日通知她，因為她已約了人及安排之後的事項怕時間上就不到。
當然我也想放工後要探病，好似一來一回不夠時間，起初我也算了。
後來想了想，原來我在想探病那事的時候一直想到有事做，便是要向ALLY取花球，誰知我竟然忘記了。這邊也想去，那邊又想去，不知怎辦。
考慮了好一會後，也再決定致電給ALLY，看看我的時間能否趕得到。幸好原來她約了兩個客在七點見，一個客在七點半見。我想從公司去瑪麗醫院，再從醫院去荃灣，應該可以划得來，於是我也約七點半見，如果真的趕得及七點就七點見。
放工後真的很趕，但上瑪麗花了差不多45分鐘的時間，後來探病再坐小巴離開醫院，趕上了東涌線的地鐵。在地鐵裡我才真的平靜下來了，這時我才想到：原來我真的要在今天取花球，因為我22/4要拍婚照啊！想到這裡突然間覺得真險啊！真的差一點便沒有花球拍婚照了！！哈哈！
我到達的時間便是19時19分，幸好沒遲到呢。原來ALLY都在地鐵站內。她非常好人，也是一個非常健談的人，我們都傾了差不多十分鐘。
最後我真的是很感謝ALLY打電話給我，否則我便真的忘記要取花球，拍PRE-WEDDING便沒有花球了。我想，那的確是天意！
訂閱：
文章 (Atom)