終於做完功課，又夠膽寫BLOG啦！
自從回歸以後，發覺自己好多嘢都係BEHIND SCHEDULE，於是乎，呢排得閒就ADD BLOG，兩三星期之下，我的BLOG友人數已經超過50，亦都多咗好多UPDATE的BLOG睇啦!!
呢排同時又發現，原來我有好多嘢無寫過，例如婚禮攝影咁!!BOOK咗咁耐都無寫過!!!
所以嚟緊的日子，我會繼續努力寫嘢咖啦！
不過應該要等到5月考哂試至可以開行TURBO了!!!
2011年3月25日 星期五
Joseph Photo平價影韓國婚紗相
Joseph Photo有得平價影韓國婚紗相，$9980，不過得去不成日本PRE-WEDDING的新人有份。
其實韓國的風景都幾靚~!!
http://www.facebook.com/#!/joseph.hong.kong.wedding.photo
我的絲花花球
今日做完PRESENTATION啦，又有時間寫BLOG啦！
早兩日，收到ALLY給我的EMAIL，我的絲花花球造好啦！
我真係覺得好靚，好靚。
三月初話影婚紗相，但太趕唔記得訂，我都諗住算了。誰不知天氣不好後改期，一改就改到下個月。咁，即係注定我一定要同ALLY訂花球！
開頭我都覺得好鬼似佢網頁嗰一紮，但睇清楚背景的紋理，其實又好唔同。
上次影JOSEPH輯婚紗相，就響TRINICE租了一紮，已經覺得夠靚。但我覺得我而家呢紮，仲靚！同埋極抵囉！
阿ALLY生意都唔錯，由我第一次問佢到而家造好咗花球，我已經見佢第三次話去旅行了。所以太趕搵佢就真係造唔切了，今次我都幾好彩！
2011年3月19日 星期六
心有靈犀--又係May仔!!
波羅有個好熟的妹妹今日結婚，在此祝福她新婚快樂！
波羅今日有去幫手，我就今晚至去飲。誰不知波羅向我報告，呢位妹妹的MUA都係MAY仔！
咁就真係心有靈犀啦，因為MAY仔我之前都係上網睇相而搵。而之前我一直以為佢揀的係唔知乜乜乜YEUNG，聽人講係好串嗰位MUA。因為我聽聞佢試咗幾個，可能轉完又轉？阿妹妹要求都幾高咖～！！
咁我咪好好彩，由頭到尾我都係試咗一個MUA，慳返唔少試妝費！
今日波羅對MAY仔的評語就係覺得佢好快，化完新娘再搞媽媽，都仲快過另一個化姊妹妝的MUA，仲話嗰位MUA搞遲哂D進度!!好在咋！因為起初我也因為貪平想試下呢位MUA，不過後尾無咋!!因為有次阿妹妹話佢D評語麻麻!!之後我搵了又搵，搵咗評語一流的MAY仔，應該有時間可以食嘢呀!!
我地真係心有靈犀嘞！！
2011年3月17日 星期四
2011年3月5日 星期六
Free Pre-wedding event (個人婚照) 5/3 UPDATED! (決定舉行日期: 17/4)
Anyone interested?
有無人同我組隊呀??
================================
Free Pre-wedding event (個人婚照) 5/3 UPDATED! (決定舉行日期: 17/4)
3月5日最新消息!
1. 活動決定於4月17日舉行
2. 由於現在已有超過6位攝影師參與活動，所以有可能可以讓超過一組既新娘子參加。
仲唸緊參唔參加既你，快d組隊報名啦~!3月15日就截止報名架啦~!
記得訂閱呢個blog update住最新消息唷!
穿上婚紗是女人最漂亮的時候，
影pre-wedding 是準新娘最愛的玩意，
搵到free pre-wedding 時一定好開心話比老公聽，
但係老公又未必有興趣~~~
有見及此，TINKERBELL MAKEUP將組織以下活動予各位準新娘(2011-2012內結婚的新娘子均可)一齊影靚相、一齊玩!
2011 第一炮:
免費個人婚照暨BLOGGERS GATHERING! (Part 1) REVIESED ON 5/3/2011
免費個人婚照暨BLOGGERS GATHERING! (Part 1) REVIESED ON 5/3/2011
詳情:
4月17日(日)
拍攝地點: 大埔海濱公園
化妝SET頭時間: 約早上十一時左右
1. 免費化妝連set頭
2. 拍攝個人婚照, 每人最少可獲 20張soft copies (個人及與bloggers合照)
3 歡迎拎埋相機互影~
截止日期: 2011年3月15日 (EMAIL收件為準)
參加方法:
STEP 1:活動前
請聯絡4-5位你的friend friend bloggers 一起copy此篇blog及link於個人blog上，並組成5-6人小組，1人為組長，負責統籌活動及聯絡:
把你們bloggers的:
-名單(即blog名)
- blog link
- 各人的生活照及之前的pre-wedding/試妝照
- 活動當日化妝地點(那位BLOGGER的家/OFFICE等),
email到 makeupchristy@yahoo.com.hk
STEP 2: 活動後
需於blog上分享所獲得的照片。
如報名人數超過一組，將以抽簽決定。
注意:
1. 需自備婚紗、頭飾及首飾
2. 交通費自付
3. 需拍妝前妝後照
4. 照片的擁有權屬Tinkerbell makeup 及攝影師所有
=================================================================
2011年3月4日 星期五
買頭紗
今天要去飲，有點小空檔。
下個星期又影婚紗相，想起那間公司並沒有長頭紗，於是便要自己買。
但我想起時有點遲，想去拍賣網或是去淘都無時間。
於是去了金都逛了一轉。
終於去了一間鋪，很古怪，裡面有兩張美容床的。
店員向我介紹頭紗，起初給我打開一張及肩的頭紗。當我表明來意是要長頭紗後，她便進店裡去找。這時有一對八卦的母女，應是母親陪女兒看結婚用品吧，見到我在看頭紗後，便也在一旁的等。
我知道她們純粹是八卦，但我並不想她們在我身旁，等了一小會兒她們仍不走，於是我唯有向那位母親表示我打算跟店員講價，想她們可以的話請與我保留一段距離。那位母親亦爽快地明白便與女兒走開了。
店員給我的長頭紗約兩米左右，真的頗長，夠我用了。不過開價卻有點乸利。
我便破破的跟她講價，最後是減了一些，非常少的一些。
不過若非那兩母女走了，我斷估我絕對減不了價。身旁沒人絕對是講價的技巧。
心裡還是想自己是不是買貴了，回家便立刻上拍賣網看看價。
原來都只是買貴了20元左右。
弟弟也說這條頭紗不便宜。
幸好還是買了。
2011年3月2日 星期三
McKelvin回歸+行禮地點
又到三月。
自己在網絡上消失了一段日子，轉眼間又已到三月。
原來距離自己的婚期，只有八個月。
這段時間又發生很多事呢。
繼波羅的弟弟搶我們閘結婚，又輪到我妹妹搶我們閘結婚。
天呀！為甚麼他們都那麼早？
今個學期自己時間掌握得比較好，功課也較早完成。希望未來時間全職搞結婚。
事實上現在連裙都沒訂。
我可是太大安主義？
今日財爺話每人派六千元，突然有這舊錢，想可以再多拍一輯婚紗相？？
另外一件值得高興的事，便是我們大致已搞定了行禮地點。
那就是－－
聖瑪加利大堂
原本我自己是有拍過照的，但不知為甚麼找不到照片，不好意思的借著人家的來一用。
早兩個星期六已下了訂，奇怪的是當日明明應該有另外兩對新人一起交訂的，竟然他們沒來？不知是甚麼原因了。也許他們超級遲大到，但兩對也一起遲大到也是太過巧合了。
希望神會幫助，該日無特別變卦，讓我順利的舉行婚禮吧。
以前從來沒想過會到天主教的聖堂行禮，因為以往都是返基督教的教會，較少接觸這樣的聖堂。就是因為波羅是天主教徒所以才可以在這樣的地方舉行婚禮，令我覺得這也許是神的安排？
訂閱：
文章 (Atom)