原來不經不覺間，距離結婚的日子就剩下了十一個月。
今天逛進來，就發現只餘下333天。
之前一直覺得很久很久，但開始到了這個時刻，原來很多事都未做呢。
這陣子我的確失蹤了。失蹤的原因，是因為之前一直追看「義海豪情」，一直看得迷頭迷腦的。加上十二月份是考試期，又要交功課，莫講話搞結婚，連自己的睡眠時間也不足。
看來要加把勁了！
2010年11月19日 星期五
2010年11月11日 星期四
Joseph Photo Pre-wedding後感（攝影篇與服裝篇）
寫完MUA，就輪到PHOTOP同服裝。因為其實兩者可以著墨的也不算太多，所以決定一齊寫。
PHOTOP係阿健，是我參考過其他JM的意見再加睇相去揀的，其實都不會差得去邊。佢個款都幾型仔的，雖然佢係有「男人的煩惱」，但佢個skin head look再襯左耳一隻鑽石耳環再著緊身衫褲，再加上我feel到佢個d藝術家性格，又真係幾型男。（不過我唔再讚落去因為讚其他男人好可能會俾波羅扭甩我個頭！）
我想呢部份我覺得大體上都滿意，因為在每個地方影完阿健都會俾我地睇下佢的作品。我見佢的相大部份都係遠鏡，近的比較少，但我諗因為係影raw的，到時若果要修改照片時應該無所謂。因為我絕對有擔心無相係適合做油畫......這個亦是我覺得我不多不少要負責任的地方，我應該一開始就同佢講我想每個地方都會影些大相係for油畫相用。呢張相除咗係擺酒好重要之外，也是應該放在家中的嘛。
另外就是我覺得影相時好似著了道兒，明明個心想同阿健講自己想點影點影，但在拍照期間就是怎的也開不了口......我想要解決這個問題，應該真的一早記低自己想影的動作，然後email定俾位photog睇。或者到時候認真點同攝影師坐低5-10分鐘講一次。但以上兩項我都無做到。
據波羅所講，阿健曾幾何時是某間婚紗店的攝影師。但傳統的婚紗店照片都會太過standardize，而且因為逐張計錢而令他們攝影師的一番心血浪費。故此我們心目中都認為阿健都是一位有要求的藝術家。
講完攝影就講服裝。
Joseph的婚紗與晚裝好像很少呢，特別是晚裝，我總覺得很難揀落手。所以我都是揀了三套婚紗一套晚裝。
但婚紗就認真唔合身，其中一件修改後個胸墊經常走出來，心口又有個位置經常翅起，搞到我影相時「周身唔聚財」，硬係擺唔到啲較自然的pose。
11月中便睇相了，希望到時候我都會揀到48張相造相簿啦。
2010年10月30日 星期六
Joseph Photo Pre-wedding後感（MUA篇）
襯著記憶猶新，我還是快點把Pre-wedding當日的情況記下吧，因為我真的很快失憶，又或者遲些會有遺忘了的記憶要更新。我見joseph其實沒有甚麼人comment，我就不如寫寫自己的感覺啦，這一篇先寫mua。
之前有講過試衫時遇到JOSEPH的NICOLE好好人，所以令我很開心。但在拍PRE-WEDDING的當日我就覺得不太開心，主因是我覺得個造型唔得。基本上，可以話位MUA唔得。唔知係咪因為之前試咗BIG DAY MUA MAY仔的妝，我覺得呢位MUA的功力差太遠。
個位MUA一開始問我想要咩造型又俾本書我睇，佢又提到有些新娘不喜歡露額頭。這樣她一說之下，我即表示我都是不想露額頭，因我本身個額比較闊。但唔知點解頭兩個妝都是露額。第一個妝無為意因為未適應亦無睇清楚PHOTOG所影的相，到了出街的相，我睇返相時覺得個額好大。我想講照鏡有時好難睇得出影相後的真實情況，因為實在睇慣咗鏡中的自己係睇唔出咩問題，但睇相係睇返個樣的反面－－亦即係一般人睇自己的樣的角度，我就覺得好唔靚囉！
我感覺佢化粧好慢，有可能因為化粧時我驚波羅悶，加上我有一份趕住fax俾學校的form要填，我叫波羅讀俾我聽，唔知係咪因為佢八八卦卦掛住聽我份form的內容所以失哂憶？其實化到中途我係諗住休息下唔再理份form就無叫波羅讀落去，但呢份mua又突然口多多話可以繼續，於是波羅就繼續讀出嚟。
其實我一開頭已經同佢講咗室內景要似公主，因為著蛋糕裙；第一個外景妝要高貴的（性感魚尾裙），第二個妝要似女神的（紗裙）。我唔知佢其實佢有無記住。
第一個室內景，我諗我一定未回神，因為而家想起個妝其實好多不滿意。1. 唔知點解幫我戴一朵大假花，我有買真花她不用。2. 幫我戴條珠項鏈但耳環係閃閃那種。我覺得應該戴珠耳環，一係就戴閃項鏈。而家兩個部份好Contradict。仲有，我又係未瞓醒，其實我自己帶了不少珠配件來，但不知為甚麼我省不起要用。
第二個造型係出外景，佢拎咗我兩大ｐａｔ繡球花想放想我個頭度，我呢次真係即刻出聲話要換。雖然繡球係我買，但我仲買了淺色玫瑰，繡球我覺得用來做配襯較好，成堆繡球上頭我覺得好唔靚。加上係我買，我覺得繡球係有些少謝，無理由做主打花，於是傾咗一輪佢至肯換，仲話我個頭細要平衡下。最終換了之後，「自我感覺良好」，但就忘記個額頭原來露了很多。
第三個造型其實已經係響影咗大半日之後才換，在我堅持下換了一個髮髻的造型。我有講過用kelly頭再低點的髻，但最後低咗好多。礙於時間關係（因為快日落了），我就算了繼續影。我都覺得有點過份成熟，但睇相photog影的相氣氛不錯，希望照片中我的樣子沒有想像般差
。
最後一個晚裝造型，我都無甚麼comment，因為由頭到尾呢位mua都無給我鏡望個妝滿意否。我又無帶鏡來，所以其實對於自己甚麼妝容無甚概念。
另一件事我認為位mua工作態度麻麻，有些少散漫的心態，我件衫多番走位，很多時要到photog出聲她才替我整。我見她這樣有時都自己搞掂，例如撥頭髮、拉番些走位的胸墊(這個部份以後才講，也是令我失望的地方)，自己搞有時還快，雖然現場有另一位助手，但他是男的，有些地方要他搞就顯得不方便了。
我覺得婚攝個MUA不多不少都很影響pre-wedding的效果，現在唯有在11月中看看最後照片內的妝容會如何。
2010年10月20日 星期三
Pre-pre-wedding 試衫
下個星期就要拍攝婚照了，但鮎魚來勢洶洶，不知下星期天氣如何??我只希望我拍照那天好天啦，如果個天灰濛濛的相就不夠漂亮了。
不過無論如何，今個星期始終要上去試衫。否則人家沒時間改衫了。
一放工便與波羅趕去北角Joseph的studio。今天都不太多人，只有約兩對人客在等取相。職員拿了兩本相簿給我揀衫。其實可以揀的衫不算多，特別是晚裝，真是比較少。不過今日超級大頭蝦，只準備了GIRDLE但忘記了要預備NU BRA。不過幸好著住GIRDLE都可以照試。
試衫過程比我想像中快，協助我試衫的是Nicole與另一名女仔，一個替我脫，一個替我穿。廿多件衫一次過試完。我覺得兩位超級好人，有問必答，面口也很好呢。其實我到最後要決定衫時真的猶疑了很久很久，或者因為自己的心水與波羅及另外一名職員不同，但Nicole給我分別再試了一件晚裝及一條婚紗，她說讓我心息，當時其實已換回自己衫了。不過因為如此，我最後都決定好了衫啦！哈哈！這陣子經常都覺得不開心，但原來試衫可以讓人開心番，當然我覺得NICOLE與另一位四眼妹妹的服務很好很有關係啦！
希望影相個日好天啦！
2010年10月18日 星期一
今日做咗幾樣嘢！(見工、蔡太、染髮)
今日做咗好多嘢！
首先今日又去見工。
其實我呢份工剛剛轉又算係好地地，時間不錯人工尚可，之但係唔夠多囉，個名亦唔夠響。前途當然亦無得比。
見工前個心仍然係十五十六，唔知轉咗工會唔會好忙。
但當見完工後，我覺得我應該做唔到呢份工，我覺得我口才真唔多好，辯才又唔得。個考官由笑口吟吟IN到面色一沉......或者，我係應該留番響而家份新工度。
樂觀啲諗，而家份工對於一個將會有一個家庭而又準備有小朋友的人來說不錯，唔上進都會有一定收入包餓唔死，同以前份工亂咁嚟的返工時間比又算得上係天堂與地獄。
也許，我應該知足。
見完工，就去搵蔡太買GIRDLE。原來真係我幾年前做伴娘時去那間。真係......好死多人。
其實我知係要排隊，但估唔到要排咁耐，搞到我內急......後面個女仔叫我唔好等，問佢地拎鎖匙去廁所先。想不到返到嚟前面個幾個都真係未試完。
我會建議去搵蔡太，最好一係好早去，一係唔好咁早去。早去頭三位梗係即刻入，唔咁早去就係去到攞籌，四周行下食下嘢至返去等，至尷尬係其實早去，但又要企外面等，又唔係拎籌，都唔知走唔走開好。我就係一個咁不幸的人。
當然我覺得買GIRDLE又真係唔一定幫襯蔡太，因為上址似買矯形內衣的人較多(及耐)。如單是GIRDLE可以有其他選擇。
另外亦建議各位要有俾蔡太抽水同會俾唔同的女子「目視」個身體。我想貼個乳貼會好一些。當然我就無乜所謂，都係女人，但調返轉頭叫我目視人地個身體其實都幾唔好意思。
仲有，遲些蔡太會搬喇，好似搬去謝斐道樓上鋪。
之後又買了泡泡染髮。
自從大學之後都無染過髮，之前份工又唔俾染，我亦無偷染。到而家解放咗，梗係要扮靚啲啦！
而且下個星期影婚照了，要等啲頭髮有層次感才行。
我買的係曲奇啡。
都上到色，但我頭頂落得較重手，顯得個頭頂好淺兩側好深。
下次呢，我會選奶茶啡。
2010年9月29日 星期三
結婚證書套??
我未寫BLOG之前，我其實都無意識要買結婚證書套。我以為那是跟出世紙、會考證書差不多上下的文件。
見到很多JM很熱衷地DIY，或者幫襯某些手勢好替人弄證書套的買賣，我都在想要不要弄一個。
直至這個月返了新工，因為也要經常查核人家的結婚證書後，又給我一種新的感受。
這只是一份在法律上證明是夫妻關係的文件，是非常重要的。但我無法幻想，當有一天真的要用到它時，如果是把它從非常漂亮的證書套拿出來時，那位當時人見到照片見到證書會有多難過。(因為有可能是我吧??不過我不是太想囉。)
所以我現在只想找一個真正可以防潮的folder把它存起來。不敢說日後會不會改變心意，但我覺得我這樣做的成數十份高。
(我覺得這樣說JM們可會認為我是越來越沒趣了。)
2010年9月21日 星期二
我所不知道的事
今日終於頂唔住連把聲都變埋，於是唯有睇醫生。
醫生話我個款似病到後期好返的狀態，但唔知點解我好得咁慢，叫我去睇中醫喎！
都好，終於有番兩日病假加埋中秋節假期，到時應該好返哂啦！
下午瞓咗一陣，夜晚又去返學。本來我真係唔想返，但下星期就要做PRESENTATION約咗今日傾，我又覺得自己無理由咁衰唔返去。好在返咗學之後我精神都算OK，可以聽到書。
放學時原來波羅特登等我。咁我同佢傾咗一陣計（基本上我係半啞的）。我才知道我好像錯怪了未來老爺奶奶。原來他們都為到細仔要結婚的事情十分擔心，但他們阻止不了。或者說不知如何阻止。暫時我推測二人是為了買居屋才結婚吧？這樣的結婚根基真很危險。
我有建議波羅游說他細佬只搞註冊，其他的儀式或者擺酒都可以後搞，註冊只要家人到便成了。至少日後可以搞得好好睇睇之餘，他們亦趕得及現在買樓。而且可以多給時間兩人相處。即使日後兩人感情不穩，分開也無太多人需要交待。可是波羅說他是不能說服他弟的。他不能，他父母也不能。
若果只搞小型餐飲，恐怕波羅父母不是太滿意。搞大暫時又無錢。親戚要請嗎？朋友要請嗎？只能講句這位未來叔仔真很任性。
可是我目前暫時仍不是他大嫂，如果不能跟未來叔仔好好的談，其實應該和他的女朋友談一下。至少她是個怎麼樣的女孩與他們未來的計劃是怎樣。女孩該不是傻的，怎也會協調一下吧。否則日後兩老也會難受的。
唉，有甚麼不好說呢？都是一家人。
2010年9月20日 星期一
簡直震驚!!!
返新工撞正開學校功課，兩件事全都要接觸新事物，又要遇見新認識的人，捱了一個星期終於病到了！
但肉體上的痛苦畢竟不是甚麼。
早兩日得知波羅的弟弟也說要與拍拖只得三、四個月的女朋友要結婚，婚期竟然是我同年的一月！
我真的十分不高興！明知我們的婚期也要選在我們之前結婚。雖說只是搞小型餐飲，但對於快將結婚的我們帶來不少的複雜成份。最慘的是未來奶奶完全不反對。在我看到她面上表情好像挺開心的，我更加為波羅的處境而擔憂。我完全覺得我奶奶十分偏心，經常要波羅做這做那，但對細仔無要求之餘又偏坦，之前更加有壇大穫嘢......將心比己，如果是我自己細佬我肯定不會幫，就是波羅這樣愛家人才出心出力幫忙。但換來是甚麼？辛苦換來甚麼？
我媽勸我說當是波羅前世欠家人的要還。但我不想，我覺得他佷可憐。我們婚期拖到明年十一月，之前三番四次波羅向我澄清也是因為為了他的家人，但怎麼他弟弟結婚，卻從沒有想家人？從來沒有想過幫過他的哥哥？
我和波羅初訂婚期之前，波羅曾經多番迴避；我亦希望婚期能在2011年年頭，也給波羅因為銀根不足的原因而要拖到年尾。我們因為這樣，因此縮短大家二人世界的時間，也因為這樣我很大機會變成高齡產婦，不是因為有這樣的一個叔仔，我們需要如此嗎？他有考慮過我們嗎？
不是有咗、不是沖喜，我怎也想不到一個我認為能夠接受比較我早結婚及要選擇要與我們同年結婚的理由。而且兩人的年紀比我們少五年以上，又需要那麼趕結婚嗎？
我最煩惱的便就是處理與奶奶關係的問題。突然在自己婚期之前殺出一個這樣的弟婦來，而且婚期這樣近，不多不少總會有所比較。
而且波羅弟弟以往都是用情不專，這個女的已是我認識波羅以後的第三個女友，我並不能多看好他們。
本來想輕輕鬆鬆，在這當然又突然要戒嚴起來－－唉，怎可能不會有心臟病呢？
2010年9月10日 星期五
2010年9月4日 星期六
2010年9月3日 星期五
尋找MUA方程式(5)- MUA FINALIZED!!!
首先是搞好個底。MAY仔替我試妝時先上了安瓶，她說如果我會去台灣影婚紗相，記住買點安瓶回來，台灣的安瓶比較好比較貼。她以前試妝是不上安瓶的，但因曾有JM因為個妝不夠貼而沒有confirm她，令她覺得自己樣樣都好就是被指妝不夠貼而落選。哈，不過我覺得那是JM隨便找個藉口來推她的，其實也不用放在心上。
而且，我都沒有去台灣影婚紗相的打算。
之後便是MAY仔的個人表演。MAY仔出名是手快的MUA，據我資料所得不少新娘都全靠她才可以在婚宴上「有啖好食」。事實上當日試妝她的確可以在短時間做出多種造型，當然是這個搞少少那個搞少少便成，但比起很多MUA試妝限死做三個造型的確較為吸引。
圖一是剛上底粧的情形。不知為何我覺得這個樣子挺好挺精神。也適合日常出街呢。
圖二及圖三都是源自同一組髮型。一個是婚紗樣，另一個是晚裝樣。但我個人覺得著婚紗註冊怎也要一個「髻LOOK」。就像圖五的那樣。
圖四是一個晚裝造型，但稍為修改又可以成為圖六的褂LOOK。
圖七是我較心儀的婚紗造型，可能是這樣笑到BRA帶都跌埋。MAY仔話我似陳法拉喎，不過其實我有留意到陳法拉有個類似的造型。
圖八圖九是「玩嘢LOOK」，不過我覺得不是太適合特別是圖九，顯得有點老。但圖八個晚裝造型竟被我發現與阿G.E.M.在某一個MV的造型極相似呢，原本我都有點不鍾意，不過或者可以再考慮一下，因為有些新娘話結婚個日點都要試下誇張的造型，因為將來去甚麼宴會也沒有機會再這樣做。
G.E.M在「睡公主」MV的造型
今次試妝較遺憾的是相機影了一會就無電。其實我叉足電來，又怎會無電??MAY仔便立刻借她的相機給我們影。後來才知道是舊電有少少SHORT，其實只要搞搞它便成。而且我們又無為意MAY仔借給我們的都同是CANON相機，舊電是一樣的，其實借舊電好過借相機，因為我部相機係新MODEL，啲色彩影得靚好多。就係因為無電這件事，所以太約在圖三之後的相便顯得有點黃了。
MAY仔有叫我留意護膚及護眼，因為我的皮膚較乾。而且要留意修整一下唇毛。而今次試妝完畢之後有幾件事我忘了向MAY仔提出，包括我是單眼皮為甚麼不用黐雙眼皮膠紙、眉是用眉筆還是眉粉等，這些我結婚前要向她研究一下。
MAY仔試妝是有一個特點－－十分簡單，對於一些非常著重試妝要等同大婚當日的JM可能不太有信心，MAY仔是化得比較淡，亦可能因不想花太多時間吧。不過我是因為看過了其他人的評語她是在正日才顯出真功夫，所以心裡才有個底，對於她求求其的試妝功夫也沒有甚麼懷疑。而她亦一個優點就是爽直，亦十分熟悉結婚流程，所以在結婚當日有這一個MUA的確會比較輕鬆。
今次試妝我也很滿意，其實都沒有多想就決定CONFIRM MAY仔了。（當然她都無問我就當咗我係。）因為一來懶啦，二來是一個超級有經驗的婚禮化粧師，基本上沒有多大需要考慮，反而如果想平啲試新的MUA我覺得就要試下。
MAY仔唯一有一樣缺點是無必要都不做全日，註冊則要加錢，亦知道她經常建議可以找姊妹們幫手便可以轉妝。但我無這個信心，結果還是決定要加錢，唯一我是有點擔心如果我哭會怎辦，我知一向我都很不容易喊，不知會否有這個情況出現？不過都不可以擔心那麼多了。另外則是並無婚前再試造型，只會在婚前有個小會議商討當晚禮服趁何種髮型及飾物等。有興趣的JM要注意。
IMAGE BEAUTY(MAY仔)
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
這篇BLOG一直HOLD在草稿裡很久了，今天才完成了。最近我發現MAY仔公司在FACEBOOK上有A/C，也見到很多今年結婚的JM的相。噢！真係好靚，我覺得今次呢個決定真係好好呢！
2010年8月31日 星期二
分group，永遠是個難題
今天才剛剛上MASTER的第一課，但已經非常不開心。
事源分組的時候，TUTOR只是隨便分組。
其實當其時我有左面同右面的同學揀，唔知點解我揀咗左邊的同學仔。
但一揀完即刻後悔，因為我覺得呢組的同學有點不認真。
你話返工上啲TRAINING GROUP就話係人都「褪後」幾步唔想做PRESENT，但呢啲同學一開始已經感覺到他們好像成日有人幫佢地做功課，好似唔駛CONTRIBUTE咁。而且成GROUP才不過四個人，但有兩個人都係成日話「唔知喎」、「我唔識咖」，但大家做討論，一定要CONTRIBUTE，唔識唔駛講出口，只要繼續諗啲有建設性的答案囉。唔好一日到黑講完一句都問「係唔係咁呀？」我心諗人地同學仔同你一樣都係第一日上堂，人地都好努力咁諗答案。
於是我個心就決定要去右邊個組，而人地都welcome我，但其中一個女仔話佢個朋友會ADD/DROP入嚟。不過我唔理喇，打死都唔願再入個組。就係而家有點人數不均，不過我諗就算唔走個TUTOR都耐我地唔荷啩？不過最衰佢無鬼啦啦咁ASSIGN啲組啦，但我亦同時怪自己一開始就唔入右邊個組，搞到得罪咗人囉！
2010年8月23日 星期一
THE ONE新人試菜聚會活動 (食物篇)
雖然今次個試菜活動我就覺得程序麻麻，不過食物方面就質素唔錯。
所以可以加分！
上乳豬時，成班煌府員工拎好哂啲豬，排好哂隊。
操入嚟啦。不過咁樣其實隻豬都會幾快凍咗。
乳豬無影到相。分得太少俾我食喇！
珊瑚蚌，幾好味！
蟹鉗都好OK!!
瑤柱甫，剛剛好12隻，人人一粒！
話我衰都咁話，個翅真係好好味。
係全日我覺得最好食的一味。
條翅都幾大條！
分菜情況。
個伊麵好味。我未試過食伊麵會覺得好味，呢一個，一定要讚！
切開的橙。
如果切開咗，通常啲人都會食。但無咁衛生，兼且有些少打斧頭FEEL。
唔切就啲人怕污糟唔食，不過可以俾人拎返屋企食。
俾我，我就會選後者。
2010年8月22日 星期日
THE ONE新人試菜聚會活動 (程序篇)
星期三，2010年8月18日，係煌府新人試菜活動。
話就話七時開始，其實就九時才開始。
真似平時去飲咁，等我肚餓都唔去食定嘢。
早知如此，我不如行多陣街。行下百利都好嘛。
未坐定時的情況，基本上一路都坐唔滿人。
唉，點解我咁好彩要坐第32圍??咁早去都要坐咁後??全場最後個幾圍。
個台根本就遠，咩CATWALK路嗰啲之後完全睇唔到。
仲有呢盤花由頭到尾都唔收，阻住哂食嘢之餘，台又睇唔到。
坐呢台的人覺得完全被忽略。
記住自己結婚嗰日，一定要拎走盤花，一唔係就整矮D嘛。
不過始終食嘢拎走好啲!!
變色燈，變到綠色，驟眼似見鬼。
開始了。吳剛師傅做主持。呢幅相係ZOOM到盡，始終見唔到吳剛。
呢張好番少少。但其實相影到我人係睇唔到咖。
我的抽獎號碼。8號算係好冧巴吧。
不過最後只抽到一盒伍仁月餅。如果係蓮容月餅便更好。
呢，避得開自己枱盤花，始終避唔開人地枱面盤花，點睇??
俾眼利的波羅發現到水晶燈無扣好。
可以詳見其他的作比較。
他是誰…….?
我知道班煌府之友好鬼鍾意唱歌，但下次可唔可以較番細啲個冷氣呢??
呢個女仔我認得係GABY，唱得唔錯啦。
佢係煌府御用MUA。唔記得佢有無送化粧作抽獎禮品。
散場前，工作人員重新圍番啲板。
啲板幾高丫，唔錯，係唔知隔音如何??
因為我都只係包了一邊場而己。
暫時觀感，因為THE ONE樓下尚未完工，所以我認為在今年內在THE ONE煌府擺酒始終麻麻。得個煌府靚，但個配套未得都始終係差啲。似早前HITOMI個妹咁，最後都揀返九展，始終未起好的THE ONE會影響煌府的觀感。賓客嚟到猛咁吸油味都不宜。我都叫做明年才擺酒，到時鋪頭開哂便好得多。
另外，似乎搭lift方面就不是太方便，如果同時兩邊賓客走都要等好耐。當日等lift都等咗我好一陣，當時仲好似開了三部lift而不是煌府專用，仲要遊lift河添。因為唔遊可能無位入lift。
(待續......)
2010年8月17日 星期二
我曾找過的婚攝影資料
最近才決定了婚攝錄的事項。其實於今年四月時，我曾經找過一間叫「恩賜攝錄」的公司，成員全是基督徒。他們是沒有鋪，純粹網上生意。我相信他們服務不錯，而他們的VIDEO弄得不錯。他們是我第一間找的公司，只是今年四月，已經話我知我個期冇咗！所以我才放棄
各位未找JM攝錄可以考慮一下。因為真係幾平，而且我信他們是基督徒比較不會騙人。如果我有福消受，就可以慳不少錢了。
之前成日有人問我問咗邊間，我都拖咗咁耐至寫。而且剩係得呢一間啫！（當然，你地可以話其實我有搵過JOSEPH的）
訂閱：
文章 (Atom)